தேவையான பொருட்கள் :
- பாதாம் பருப்பு : 700 கிராம்
- சக்கரை : 300 கிராம்
- நெய் : 175 கிராம்
- குங்குமப்பூ : சிறிதளவு
செய்முறை
- பாதாம் பருப்பைச் சற்று சூடான தண்ணீரில் போட்டுத் தோலை அகற்றவும்.
- சிறிது பாலைத் தெளித்துப் பருப்பை மசிய அரைக்கவும்.
- குங்குமப்பூவைச் சிறிது பாலில் நனைத்து வைக்கவும்.
- களிம்பேறாத ஒரு பாத்திரத்தில் முக்கால் ஆழாக்குத் தண்ணீர் விட்டுச் சக்கரையைப் போட்டு நிதானமாய் எரியக்கூடிய அடுப்பில் வைக்கவும்.
- கம்பிப்பாகு ஆனவுடன் பாதாம் விழுதைச் சேர்த்து பாத்திரத்தில் ஒட்டாமல் கிளறவும் .
- அல்வா லேகியப்பதம் ஆனப்பின், நெய், குங்குமப்பூ இரண்டையும் சேர்த்து நன்றாகக் கிளறி அடுப்பில் இருந்து இறக்கி விடவும்.
- மிகவும் கெட்டியாய்க் கிளறினால் அல்வா பர்பி ஆகிவிடும். மற்ற அல்வா வகைகளைப் போல் துண்டு செய்யாமல் பாத்திரத்தில் எடுத்து வைக்கவும். தேவையான பொழுது அல்வாவைச் சிறிது சூடாக்கி உபயோகப்படுத்தவும்.